DIELL

| Nga LIRIDON HYSENI |

Mos e lësho nanë!

Po përgjerohna këtu para teje,

E po mundohem edhe forcën tem me t’a shtu,

N’ato krahët e tua t’mekuna,

E di që je lodhë e je harxhu!

Mua m’vyejnë dy shpirtëra për me dalë n’dritë,

Kam nevojë për diellin e hanën,

S’du ma shumë, veç nanën e babën!

E ti mos u lësho nanë!

Vetminë e natës do e fshehim bashkë,

T’përqafum me ngrohtësi

S’i lemi vend ku t’mbij’.

Afshi yt le t’rrezoj mbi ftyrën tem!

Sytë le të m’çelin lule t’amshimit!

Se ngjyra e shpirtit tand reflektohet n’zemrën tem,

Jeta jote le t’bahet jeta jem!

Nanë mos m’u lësho!

Veç ti më mbete,

Se babën ma s’e shoh.

Kapi duart e mija nanë!

Mbi këto andje shtrengohu!

Edhe nëse s’e kam hanën,

Ti me diellin mishërohu!

(dedikuar)

LËRE NJË KOMENT

Your email address will not be published. Required fields are marked *