NË HESHTJE

| Nga EMIN ISMAILI |

sot e kuptova edhe njëherë

qëllimin e natës

e di se si yjet më shoqërojnë

se vetëm netët lindin agimin

në shpirtin e djegur nga zjarri

për ta thurur fjalën dashuri

në heshtje

largë shtëpisë gjallërohet malli

buzëqeshja e nënës

vetëm në kujtesë

një lot i vogël e bën të pavdekshme natën

në shtratin e ftohtë

duke u mbuluar me kujtime

në heshtje

netët zgjohen nga frika e errët

jo çdoherë yjet përqafojnë vetminë

le të tregojnë rrugët

për të dehurin e natës

i pastrehuar nëpër qoshet e jetës

në heshtje