CIRK

| Nga LIRIDON HYSENI |

Portret i fytyrave tona

Pa ngjyra, pa kornizë

Të paprekshme, të paragjykueshme

Shkallë e lartë meditimi

Pa kriter kreativiteti

Veç liri e shthurur

Anarki e përditësuar

Punojmë fytyrat tona

Si tokën jopjellore

Me shpresë

Shesim fytyrat tona

Si mjet pune

Pa turp

Të rrethuar me portrete fytyrash

Frymojmë zellshëm në iluzione

Kur jeta të mbytet

Në oqeanin e gënjeshtrave

Çka të frymojmë?

Botë pa ngjyra, pa kornizë

Zemrat e shkëputura

Nga mendjet e cekëta

Burrë e Grua në piedestal

Cirk i mbushur me portrete

Pa ngjyra, pa korniza

Veç liri.