| Nga DRITAN SKENDERI |
Një ditë ti nga këtu do ikësh
Hijën tënde do lësh pas
N’maja t’jetës do të ngjitesh
Një shpirt nga malli do buças
–
Një ditë ti nga këtu do ikësh
S’do kuptosh, s’do ta dish kurrë
Një kandil që do ta fikësh
Për ty lotët kish vajgur
–
Një ditë ti nga këtu do ikësh
N’rrugëtim jemi gjithësesi
Me sa e sa udhtarë do njihesh
Si këtu s’do t’njohë askund asnji
–
Një ditë ti nga këtu do ikësh
Me atë shikim e sy drenushë
Një shpirt n’heshtje do ta tretësh
Pa t’marrë erë nji herë në gushë
–
Një ditë ti nga këtu do ikësh
Si dallëndyshe, plot gjallëri
Këtë fole që do braktisësh
S’do kuptosh që ish për ty
–
Një ditë ti nga këtu do ikësh
Një ftyrë t’vujtun pas do lësh
Dhe një zemër do ta ndrydhësh
Gjakun helm do t’ia bësh
Një ditë ti nga këtu do ikësh
Pa e ditur pa e kuptuar
Me at’ buzëqeshje do braktisësh
Dikë sot që ke shëruar
–
Një ditë ti nga këtu do ikësh
S’do dëgjohen takat tua
Më i bukuri kujtim do mbetesh
Do mungojnë bisedat tua
–
Një ditë ti nga këtu do ikësh
Ashtu siç erdhe do të shkosh
Do kuptosh një ditë prej ditësh
Se vendin tënd ti e le bosh
–
Një ditë ti nga këtu do ikësh
S’do valëzojnë dredhat tua
Trëndafilat do ia vyshkësh
Kopshtit çelë nga buzët tua