KORBI ME TË BARDHA

| Nga BLEARD MEHA |

Dhimbja ende flet n’tokë t’lodhur

Bën zë ende, e thuhet se kur del hëna e plotë

Korb bëhet;

Degë e m’degë përshpërit makthet e një mileniumi

–

Po korbë është

Korb i bardhë!

Po nuk i besohet

Jo, s’i besohet

Se ka çuar bishtë mbi lajme t’gjakosura

Ka ngjit sqep n’zemër t’njeriut tone

–

E sot

Sot s’i besohet

Ndonëse gjuhë t’tij kuptojmë

E ai zog dreqi

Hedh shigjeta t’kohërave n’sy t’tanë

Sikur lajmëron vdekje t’madhe

–

Dikush diku

thotë se e patëm harruar

E sot hedh kunja mbi fytyra t’thara

T’lagura

e ne fillojmë qajmë

nga shiu

–

Që bubullon

Makthet e një mileniumi

Shqiptarësh

Që dërgojnë letra

Me anë të korbit

T’veshur me të bardha

O veç t’veshur me të bardha!