LETARGJI

| Nga LIRIDON HYSENI |

Fanatik që rrëkeshëm hasesh në liri

E për liri luftove i verbër

As nuk e ndjeve besën, shpresën

Fanatik i rendit të ri

Simbioza e mendjeve të tunduara

Në gjuhën e shenjave të relaksuara

Para ekraneve serike politiko-anarki

Me sytë kah i zgjedhuri

Në rreshtim t’ju prij.

Qorrazi duart

Në flakë e akull

E sytë e verbuar

Me thika e shkopa

Zëshëm të pllakosur, gjakosur

Edhe në funeral kërcehet shota

Vështro matanë hundës

Vëre si valon flamuri njerëzor

I qëndisur nga e vërteta në histori

Flamur pa mbretëri e pa fron!

“M’u bëfsh nana mbret i botës”

Ti o bir i vatanit të braktisur

U harrua malli i votrës

Fill kur monedha kishte krisur

U verbua fanatiku i lirisë

Që për liri luftoj i etur

Ashtu mbeti edhe kur u braktis

Ne monedhat e ferrit të fjetu