KUJTIMET

| Nga EMIN ISMAILI |

mos më thuaj se kam ikur

pasiqë kujtimet

ende ngelen tek unë

si largohet njeriu nga jeta e tjetrit

kur e gjithë jeta si një kujtim është

e si mundë të harrojë

–

ah sikur ta kuptoje

dashurinë time

shkuarja nuk do të ishte një largim

por një ikje frigacake

po më thuaj mua a mbaroi dashuria jonë

a i dhe fundë kujtimeve

të përjetuara

–

njeriu nuk largohet nga e vërteta

asnjëherë

gënjeshtërën e bënë të vërtetë

për ti besuar

hidhërimi është i vështirë

kur shpirti e shijonë

ndërsa loti derdhet atëherë kur zemra ftohet

dhe kujtimet më ngushëllojnë