QYTETI

| Nga INIDA BRAHIMI |

Vizaton errësirën në këmbanën e qelqtë të frymës
Në çdo milimetër lëkure gremiset në ndjesi
I dlirë dhe hyjnor ,
Sarkastik ,
Fashitës
Gjer të vish ti!

Kur të mbërrish ,
Dorëzo tek porta e hyrjes mendjen dhe zemrën
Se fati i shkruan ca linja në mënyrë të kithët
Patetik…
Laku shtrëngohet
Treni i jetës pa eufemizmaa në trajtë të mysët
Na përmbys

Vjen ti ,
me një valixhe me pak mëdyshje
dhe shumë pyetje
Hapësirë e rëndësishme për t’u mbushur
Dërgon “selam” prej një tjetër vjeshtë
E di ;irrealja i përket mrekullisë!