| Nga DRITAN SKENDERI |
Kjo është jeta
Plot shigjeta
Majat plot helm e mjaltë
T’përkund nën dhé
Të zgjon mbi ré
Të plas nga qielli i shtatë
Në ar na shkrinë
Na kthen n’fundërrinë
Vetpëlqim n’zemër gravojmë
Na hyp në thron
Na zbret në hon
Sërish pas saj vrapojmë
Puthim vdekjen
Pështymë jetën
Dashninë me mllef qëllojmë
Shajmë bukurinë
Lëvdojmë shëmtinë
Dhunën art e pagëzojmë
Drejtësi kërkojmë
Vuajtje fitojmë
Gdhijmë gjykatës tiran
Dashni falim
Tradhëti marrim
Heshtjen dobësi na quan’
Zotin hoqëm
Lakmitë ndoqëm
Ego me Zot ndërrojmë
Parajsë shitëm
Për botë vdiqëm
Përjetësinë ëndërrojmë
Foto@JrKorpa