IKJE

| Nga EMIN ISMAILI |

derisa rrugët diku kryqëzohen
rrugëtimi im është vetëm një ikje

jeta nuk është e vështirë për ata që e jetojnë
e rëndë është ta marrësh brengën dhe të ikësh

dikur shpresoja në udhëtime e largëta
sot ikjet më japin dhimbje të thellë

akoma shpresoj se një poezi
do ta hapë drynin e shpirtit
se heshtja do të tregojë
më shumë se simbolet në vargje

në ndonjë qytet
ndoshta do të shihemi sy më sy
dhe si dy të huaj
do të fillojmë nga fillimi

Foto@MarianneBos