SHTEGU I JETËS

| Nga EMIN ISMAILI |

nuk e dija që netët janë kaq të errëta
kur nuk ke dëshirë të agojë dita
as hëna pesëmbëdhjetëshe
e as yjet ndriçues
nuk e dija që poezitë janë kaq të rrezikshme
kur dashuria e fjalëve frymëzon lapsin
si t’i thurë rreshtat
edhe atëherë
kur humb kuptimin
poezia
nuk e dija se shtegu i jetës është kaq i gjatë
kur rrugët nuk përfundojnë drejt ëndrrës
rrugëtimi ndonjëherë kishte misionin e vet
tash është vetëm një endje
pa kuptim
ah sikur ta dija që malli është kaq i flaktë
në shpirtin tim të ftohtë

Foto@Felix Ngo