PËRJETËSISHT

| Nga EMIN ISMAILI |

atëherë kur ekzistenca e njeriut
do të marrë kuptimin e vërtetë
shtrati i trupit të ngrohtë
do të kthehet në ftohtësi

koha do të bëhet kujtim
që ngel thellë në shpirt
pa mundësi të jetohet më

brengat do të pushojnë përjetësisht
dhe një pikë loti
do ta gjallërojë trupin
për të mos u harruar kurrë

netët e lodhura do të humbasin qëllimin
kur vetmia të shfaqet në agim
dhe atëherë
vetëm atëherë
vetmia do të marrë kuptimin jetësor

Foto@ŞahinSezerDinçer