| Nga DRITAN SKENDERI |
Unë ty moj s’të pata par’
Mbase Zoti me kast t’fshehu
Gjersa t’mori ky shpirt jar
E kjo zemër n’ty nuk prehu
Përballë syve, por me perde
Ashtu deshti Zoti vet
Nji mi bani gjithë sa derte
Emrin tand m’bani medet
Gjersa ty nji brengë mbi kokë
Në të rantë, m’randoftë mua
N’gjoks ta ndiej sa njiqind okë
Gjersa t’shoh buzëqeshjet tua
Pa kulluem t’shoh me sy
Kthjellun, çiltër me frymu
Kur t’më shfaqet Zoti n’ty
Shpirt e zemër me ia dorzu
E t’ia them tan kainatit
Ç’asht n’dashni me u mbyt
Ç’asht me qenë ashik i hakit
Ç’asht me qenë kurbani yt
Foto@MichaelJasmund