| Nga AZRA ALIJA |
Me krenari them unë jam shqiptare
Bijë e plisave si gurrat e fisnikërisë
Si germat e arta shkruar në abetare
Rreze diturie dalë nga dielli i Ilirisë
Si ballët e kullave ku shqip na flet besa
Me shpirtin e jetëve ku kalitet burrëria
Mbi flakadanët liri ku flakëron shpresa
Si motet e Bardhylit kur lulëzonte liria
Shqip po them se jam bijë e Ilirisë
Jetën kalitur ma kanë bëmat e fisit
Të jem krenare si bijë e Shqipërisë
Krenare e fisnike si ngjyrë e plisit