LOJA

| Nga ARBEN HYSENI |

Rrugëtoj nëpër kohën që më shkoj
Shoh humbje kritika dhe lirim
Lirim nga e keqja por ngurrim për të mirë
E tregimi për lojën po më jep nxitim

Se dija se luhet edhe me njeriun
Pse vdes dhe nuk kërkohet asnjë përgjegjësi

Pse nuk je i aftë që t’a kuptosh lojën
Mos eja te unë se nuk ka për ty ndihmë

Ore, loja e di që ka kaluar
Por të paktën të kesh mirësi
Mos vazhdo avazin e vjetër
Që të bëhesh zotëri

Sa i marr që je
Nuk po e kupton
Loja s’ka përfunduar
Me të kam lind’
Të kthehem pas nuk mundem
Nuk mundem more zotëri
Unë e kam fituar
Lojën e kohës
Tash kam hipur në fronin tim