N’BUZËT E TUA

| Nga DRITAN SKENDERI |

Me shikimin tënd të ngrohtë

Me plot dashuri

Në çast më merr mua meje

E më shkrinë në ty

 –

Me njërin sy q’e ke Lejla

E tjetrin Zulejha

Jo veç zemrën time, shpirt

Rrëmben një dynja

 –

Nga buzëqeshja jote ëngjëllore

E çiltër prej fëmije

Kopshti shpirtit m’lulëzon prore

Me gjyl dashurie

 –

Pa dhe flokun tënd të artë

Kur e hedh në erë

M’parfumos me trup e shpirt

E m’deh përnjëherë

 –

Moj ti bijë e bukurisë

Ulur në fron ashku

Shih ktë zemër t’katandisur

Iu shterrua gjaku

Merre, t’lutem, ktheje n’jetë

Ktheji gjallëri

N’buzët tua gjenë shërim

Gjak e përjetsi