NDËRROHEN

| Nga BLEARD MEHA |

U ndërruan motet

Tash tentojmë të shohim një rrugë të re në horizont.

–

Por

Por ka gjithnjë diçka të moçme

nga një kohë qe s’e prekim më

si një sy ëndrre

që bie a tenton të zgjohet nga gjumi.

Që na sheh mu në derë të shpirtit

Dhe na therr si një thikë; pa nguti

Mund t’jetë flatër zemre e ikur

Mund t’jetë dorë që s’na përkdhel më

Mund të jemi edhe vet ne

–

Zot,

Ndërrohen motet

A thua,

a mund të jemi tjetër dhe ne?

Foto@Stenedit