PIKTURA E JETËS

| Nga BLEARD MEHA |

Tablonë ta dha Zoti,

Merri ngjyrat,

Pikturo,

Veç pikturo me ngjyra të ndritshme,

(Aq sa edhe korbin, të bardhë ta ngjyrosësh)

–

Paleten, e mbush rrugës

Ngjyrën e kuqe

Nga trendafili me gjemba ta shtrydhesh

Të kaltërtën e qiellit,

 Në thellësitë e oqeanit ta mbledhësh

(Të verdhën-kur shikon diellin me sy)

E të bardhën

Nga pëllumbi që e lëshon në qiellin e bollëkshëm

–

Pikturo,

Veç pikturo me ngjyra të ndritshme