PREJ BUKURISË

| Nga DRITAN SKENDERI |

Bukurisë që i këndova
E lëvdova me përkushtim
Zërin thellë ia dëgjova
Ma tundoi shpirtin tim

E kuptova pse m’thërret
Dashurinë tia dëshmoj
Në prani tash po më pret
Drejtpërdrejt që ti këndoj

Mbase pret ti shkoj me vepër
Me një fjalë të mirë nga unë
Veç mëkatit s’kam gjë tjetër
Por duar bosh s’më kryen punë

Pa m’përshkoi zjarri i mallit
Mi shkrumboi trup e shpirt
Ashku m’ia dha telallit
Fryma ngjiti lartësitë

S’mu bë vonë, s’durova dot
Se në ç’zjarr do përfundoj
Dija që me një pikë lot
Nuk ka zjarr që s’e ndaloj

Më i bukur nga gjithçka
Është fakti se ku jam nisë
Ç’të më jepet, ejvalla!
Mjafton t’jetë prej Bukurisë