| Nga LIRIDON HYSENI |
Pa zë
Rrodhën n’errësirë,
Mendimet e zbukuruara,
Nuk i dëgjoj, as shoh
Fjalët e premtuara,
Dikur…
Se ç’më erdhi ajo rrymë,
Përcëlloi majat e qerpikëve,
Thau lotët në sy
Gjersa udhëtonin viteve,
Eh, sikur…
Pandehja qetësi,
Të m’sillte verbëria
Por thika s’qe e mprehtë,
S’vrau dot kujtimet e mija,
Kurrë…
Shtrihem n’shpinë,
Gjoksi m’frymon,
I bindem jetës,
Që t’jetoj m’urdhëron!
Deri kur?
Çmendia të jetë liri
Për jetën n’robëri,
Hallkat e zbrazëtisë
I druhen qelësit t’qetësisë,
Kur shpresa vdes…