| Nga ARI UKIMERI |
Qysh atëherë kur m’je dëftue
Menja ime te ti m’rrin
Pranisë tande fort i jam gëzue
Lumturinë time, veç ti e din
Unë çdo herë kam me t’kujtue
Qysh n’aksham kur bie nata
Se ti je çdo gja për mue
Nëpër andrrat t’mia t’gjata
Buzëqeshja jote asht ledhatuese
N’mue ngjallë çdo dëshirë
Pritjet e gata janë trishtuese
Për nji jetë plotë errërsirë
Ty çdo herë kam me t’urue
Që vjen te unë ditë e nat
N’jetën time ti ke lulëzue
Për nji dashuri të pa afat
Sikur liqeni që s’e mbytë veten
Edhe yjet plotë shkëlqim janë
Zani yt ma thotë vërtetën
Gjanat me ty çdo kuptim kanë
Në këto kohë të mrekullueme
Me ty lundroi unë n’gjithësi
Kjo kohë për ne asht e lumnueme
Ti e unë jemi përjetësi