TY PRIAM

| Nga NAZIF AGALLIU |

Nipit tim Priam

Tani e sa jam besoj

Se toka është shkelur e ka këmbë njeriu

Sa erdhe ti me pirogën tënde

I dhe qiell lumturisë

Sa hyre në shtëpi e harruam përrallën e arkës së Noes

Tani nisa ta lexoj jetën nga faqja e parë

Harroj gjithçka e gjithçka fal

Para ylberëve të tu të përditshëm

Dyer e dritaret e jetës tanimë përgjithnjë hapur

E pritshme vazhdimësia dhe hijeshia jote dhuratë

Nëse jam një britmë kam jetën në krahë e të ardhmen

Ty Priam të kushtoj poezinë e pasosur

E besoj edhe veten me ardhjen tënde