| Nga LEJLA J. ISMAILI |
Me u mbajt n’mend e mos me u harrue
ato fjalët e mira kush t’i ka kushtue..
Me u mbajt në mend me punë e karakter
se nuk e dimë a kthehet ai vakt dhe një herë
Me u mbajt në mend me hije e fije
atë që kur e shikon zemrën t’a gëzon
Asht ba për t’u mbajt në mend e mira e dikujt, koftë fjalë apo vepër
se rallë e gjenë prej gjithkujt..
Me u mbajtë në mend edhe një “merhaba”
që t’ngre dorë vllau në rrugë kur të pa
dhe e bën ne zemër
pas shpine pa t’sha..
Mbaje në mend e falendero, të mirat mos i nënvlerso..
Me u mbajt në mend një grusht muhabet, rrallë ka mbetë kafe në shoqërim me llafe pa asnjë interes..